إجتماع بخصوص لجنة منتدى سودانيات الثقافي
صباحاتكم خير
منتدى سودانيات الثقافي بدأ نشاطه في اواخر 2010 ونظم 5 فعاليات كان آخرها مشروع محسن خالد المعرفي..نشاط المنتدى متذبذب جدا عليه ارجو ان نجتمع نحن بورداب الداخل لمناقشة الامروتشكيل لجنة جديده ووضع خطه لفعاليات المنتدى في قادم الشهور مكان الاجتماع:الوافر للتدريب-امدرمان جنوب غرب مستشفى التجاني الماحي الزمان:الثلاثاء 13-3 الساعه 5ونص ارجو اتمنى ان يحرص الاعضاء على الحضور |
خلاث نويتي تصومينا 3 ايام:D حضور بمشيئة الله |
اقتباس:
دي التجاني الماحي البشرتيني بيها يومتا أكان ياها أعلن مقاطعتي التامة لهذ الإجتماع |
بكرا باذن الله موعدنا
|
اقتباس:
ما تمشوا تسلموا على امى يا شينين:mad::mad: |
و مستشفى التجانى الماحى ذاتو وين
|
تحياتي نبراس ..
غايتو بعد المداخلات الداعمة الفوق دي .. الله يعينك :D |
مساء الخير عليكم
شكرا للتداخل يا شباب الحمد لله تم الاجتماع بحضور ابودعد عصام عبدالسلام زول خرافي خال فاطنه مهند الخطيب اشرف السر نبراس اعتذارات عم جعفر احمد زين هيثم علي الشفيع اتفقنا على التالي: *تكوين لجنه جديده برئاسة عم جعفر و عضوية بقية حضور الاجتماع واعتذر ابودعد لانو ما بتواجد باستمرار في الخرطوم,بالاضافه لاحمد زين(مافي اعتذار يا دوك) *تم نقاش مستفيض حول الالتزام تجاه المنتدى الثقافي وتفعيل نشاطو من تاني وكذلك نقاش حول البرامج والفعاليات الممكن تتقدم من خلال المنتدى و طلعنا بافكار كويسه حتكون برامج للقادم من شهور *بالنسبه للميزانيه بما انو فعاليات المنتدى شهريه فتم التوافق على دفع 50 ج شهريا لكل عضوية سودانيات بالسودان (وكل حسب استطاعته),اعضاء المنافي مساهماتكم ضروريه بالتاكيد وفوق ال 50 جlooool *كذلك تم التوافق على اقامة المنتدى في مناطق قرب الخرطوم او حولها في بعض الاحيان اول برنامج سيفعل به نشاط المنتدى الاحتفاء بامهاتنا في عيد الام يوم الاربعاء 21 مارس باذن الله ومن بكرا حنشرع في الترتيب للبرنامج وكيفيتو وحنوافيكم بالجديد اول باول اذا في اي اقترحات او ملاحظات او اضافه يسرنا نسمعها وشكرا |
اقتباس:
يا حبيبه والله مقصرين في حقها ما عشان امك لكن امنا اجمعين الاجتماع اتاخر ولقينا انو الوقت مزعج بس اتفقنا نزورها في اقرب وقت وليك علي اتصال من هناك قريييييييييييييييب |
بالتوفيق يا شباب
ولا قِدَام |
موفقين يانبراس
التحية للجميع هذه هي الهمة التي تنتقل رويدا رويدا للجميع فتحملنا الى حيث نرتضي. سنكون معكم خطوة بخطوة باذن الله لكم تقديري |
اقتباس:
ابا رحيق يا اخي مشتاقووووون:Dlooool |
اقتباس:
طالما أنا بعيد وما بقدر أواصل مع الشباب لظروفي الخاصة بي الأيام دي فمافي أفضل من إنو الواحد يتمني ليهم التوفيق ويقول ليهم لآ قِدَام وهم شباب قادرين علي تحمل العمل العام يا أبرا وقادرين علي المواصلة في ذات المشروع الكبير الذي يحمل إسم هذا البيت الكبير سودانيات ليهم الشكر والتقدير والتجلة وما أنا أمامهم سوي صفر كبير وليك الشوق برضو |
اين اللجنة ؟
هل ما زال البرنامج فائم؟ |
اقتباس:
اللجنه موجوده وبتجهز في البرنامج وترتيباتو وان شاء الله موعدنا مساء الاربعاء ح ارجع ليك باتصال |
الساعة الآن 01:03 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.