عارفني بحبك كيف؟
.
عارفني بحبك كيف؟ حاولت أقول ليك كم مرة حكاية طفلة بتحلم بين إيديك بي نقطة ضو .. أو قمرة وتطلع من جواك تتشابى حنين وتغني ولامن تشرق منك ضحكة صباح تفرهد كل أركان الجوف تملاها كلام ألوان من طيف لوحات بتزغرد من دون خوف وفي جواي تترتب إلفة تعريشة شوق قهوة ببن الحب وايقاع فنجان ضحكات تتهادى كما المالوف فرِشنا الرملة .. غُتانا ضليل الشاتي الشوف إمتد مراحل فيني سنين زمن ما طلت طفلة بتلعب من جواي خدودها الريد عيونها بتلمع فيها خطوط عوالم تحكي ضجيج عينيك كم مرة تشوفك شايل إسمي تمسك طرف الجوف تتشابى حنين يمكن تلمس حرف الشوف وكل ما تقرب .. انت تغمض كل ما تقرب .. انت تغمض وأمرق من جواك واسأل .. عارفني بحبك كيف؟ |
سلام يا عبير..
وحرف الشوف صار عصيّاً علي المسك.. ثمّ.. كالعادة متألِّقة.. كوني قريب يا صاحبة.. فالحرف له قريفة تشق الراس.. فهل يرضيكِ ذلك..؟ كيفك..؟ |
اقتباس:
حروف مضيئة لشاعرة متمكنة شكرا عبير |
اقتباس:
المشاركة الأصلية كتبت بواسطة عبير خيري http://sudanyat.org/vb/images/buttons/viewpost.gif : عارفني بحبك كيف؟ حاولت أقول ليك كم مرة حكاية طفلة بتحلم بين إيديك بي نقطة ضو .. أو قمرة وتطلع من جواك تتشابى حنين وتغني ولامن تشرق منك ضحكة صباح تفرهد كل أركان الجوف تملاها كلام ألوان من طيف لوحات بتزغرد من دون خوف وفي جواي تترتب إلفة تعريشة شوق قهوة ببن الحب وايقاع فنجان ضحكات تتهادى كما المالوف فرِشنا الرملة .. غُتانا ضليل الشاتي الشوف إمتد مراحل فيني سنين زمن ما طلت طفلة بتلعب من جواي خدودها الريد عيونها بتلمع فيها خطوط عوالم تحكي ضجيج عينيك كم مرة تشوفك شايل إسمي تمسك طرف الجوف تتشابى حنين يمكن تلمس حرف الشوف وكل ما تقرب .. انت تغمض كل ما تقرب .. انت تغمض وأمرق من جواك واسأل .. عارفني بحبك كيف؟ بقدر عذوبة الوصف وانسياب اللحن الداخلي ، فإن الكتابة الجسورة تكشف أن للشعر مناطق تتساوى فيها أكتاف الجميع ، وآن لتفريق الجَندر التاريخي أن يحني قامته للشعر الإنساني النبيل ... شكراً لهذا الشلال المُميز من البوح الشعري . |
اقتباس:
تسلم يا صديق انا ما زلت أكتب |
اقتباس:
أمير ياصديقي إزيك والحي بيك سعيدة بحضورك |
اقتباس:
لكلماتك يا أستاذي أنيق الحرف شهادة نجاح التلميذ شكراً لمصافحتي وشد يدك على يدي وشكراً لحضورك الجميل عذراً إن جاء ردي متأخرا |
| الساعة الآن 06:44 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.