بجد: داير اثقف... ثقفوني
بحب القراية جدا جدا.. وبقرأ اي موضوع في أي حاجة...
غالبا بتلاقيني كلمات كبار.. كبار.. النوع اللو حاولت انطقها ووقفت في زوري ممكن تغتس حجري... فشنو عارف انو معانا ناس مثقفين جد فارجو ينالوا فيني ثواب ويشرحوا لي الكلمات الكبار كبار دي.. بألفاظ مبسطة.. اليوم بقرأ ومرت بي عبارة جيوبوليتيك الجسد العربسلامي في السودان جيوبوليتيكي!! اها معناها شنو؟ وتاني: الحداثة المعطوبة طبوغرافية البناء الروائي الاسطاطيقي ..الخ من كلمات كبار .. كبار السيمائية .. الشكلانية.. البنيوية.. المعادل الموضوعي...الخ |
بسم الله الرحمن الرحيم
:D:D أول شئ أنا لست منهم ،، جابنى الدرب فى تقديرى المشكلة ليست فى المفردات فهى واضحة ، التعقيد بجى فى السياقات البتدخل فيها و(كيف تحشر حشراً ) ( البنيوية ) وردت فى مداخلتى فى بوست تقييم النصوص وهى من مناهج النقد الحديث وهى مدرسة فى النقد غير مقتصرة بالطبع على العمل الأدبى ،، وهى باختصار تعنى ببنية النص دون التأثر بالظروف الخارجية المحيطه به ، وإذا علمت أنها قامت على أنقاض النهج التاريجى والإجتماعى والنفسى التى تعتبر مناهج تقليدية فى النقد لوضحت المسألة ،، بجيك بعدين للشكلانية :) |
سلامات اشرف وحمد لله علي السلامة
زي ما قال استاذ النور لست منهم ولكن زي ما قالو ان لم تكونوا مثلهم فتشبهوا ان التشبه بالرجال فلاح اها قلنا نتشبه ليك باهل العلم ديل المهم نفك ليك واحدة بسيطة جيو بوليتيكا بالعربي كدا الجغرافية السياسية او الجفرافيا والسياسة يعني تاثير الجغرافيا علي السياسة والعكس يعني ناس ساكنين جنب البحر نشاطم كلو حا يكون مرتبط بالبحر حتي حروبهم حاتكون بحرية ناس ساكنين جنب النيل حاتلاقي صيد الاسماك والزراعة والمواشي حتي ترحيلهم حا يكون نهري وهكذا ًًًًًً دا غير التداخلات الحديثة من جفرافية وسياسة وعك ولت وكدا واقرب مثال مشكلة مياه النيل والغلبة العملتا والحا تسويها |
اقتباس:
شكراً يا النور اسه عرفت البنيوية المجنني بيها.. لكن ملاحظتك سليمة ميه في المية.. وهي انو السياقات البحشروها فيها هي البتخلي الزول طاير ساي ومسطح وما فاهم التكتح.. يعني واحد يجيك يقول ليك: بنيوية وعيك بتدل انك زول مازوخي... اها زي دي امشي بيها وين!!!! |
اقتباس:
مشكوور على الشرح بالالفاظ البسيطة والمفهمومة دي.. مشكلتي مع المصطلح دا بالذات انو في بوست في احد المنتديات المجاورة اسمو ( جيوبوليتيك الجسد العربسلامي في السودان).. شفت الربط بتاع (العربسلامي) دا حلو كيف!! اسه فيها شنو لو قال العربي الاسلامي!! الكيبورد كان بحرق ولا بحرق!! اها وكيلي الله من العنوان ساي انخلعت وما دخلت شفت البوست فيه شنو.. اذا العنوان غلبني.. المضمون يكون كيف... |
سلامات يا اشرف
وانا منهم !! دي كلمات ماعندها اي معنى ... بنقولها ساي كده عشان نجهجه بيها باكات البسطاء من امثالكم :D |
أبو الشوش صباح الخير ياخ...
غايتو حالتك بتاعت أمبارح دي أنا كنت قاطع الشك إنك ح تهبش ليك مصيبة بباقي اليوم دا... لكن الحمد لله الجات في الطبوقرافيا... أما ما ورد من شرح من الزملاء أعلاه كلو شرح مضلل و عاري من الصحة :D.... حالياً بقرأ في كتاب لفراس السواح، ح أجيبو ليك عشان تعرف الثقافة الجد جد |
اقتباس:
يبدو لي انه فاض بك فيضا |
اقتباس:
وبيكون كاتبوا واحد نوبي او نباوي |
اقتباس:
|
اقتباس:
انا قاصد الناس المثقفة جد جد.. تعرف يا خالد.. اول ما دخلت الثانوي العالي.. عندي واحد صاحبي الله يطراه بالخير هو الان في السعودية بنين.. اتنظم مع الجبهة الديمقراطية.. راح جايب ليك كتاب سميك وسمين جدا.. اسمو (الديالكتية الجدلية) - نظام الود عاوز ينظمني معاهم.. فقريتو... ولليلة لو قلت لي ما هي الديالكتية الجدلية.. حرم ما فاهمها كويس كدي اتعطف علي بشرح الديالكتيك |
اقتباس:
كدي طلع لي منها كم كلمة من النوع البعقدني داك وتعال كبها لي هنا ان جبت الكتاب خايفني ابقى كالحمار يحمل اسفارا.. احفظو صم بدون فهم... كدي اعمل لي اخوك تمهيد ياخ.. ابعد الله عنك أوجاع الركب:rolleyes: |
اقتباس:
فاض بي كتير وقلت ياخ الواحد ما يقعد بجهلو كدا.. احسن القط من هنا ومن هنا اتنور |
اقتباس:
انتي قوقلي العبارة وبتلقي البوست ممكن تعرفي مضمونو كيف |
اقتباس:
يا كاديلاك هذا البوست بوست تعليمي ثقافي جاد جداً رغم اللهجة كل شويات بتكون ما ياها وعشان تعرف اني جاد انا خشيت في الصفحة دي https://www.facebook.com/3eesho.thaq...ocation=stream بس ما لقيت كلاكمهم ثقافي جدا معلومات عامة ثقفني ياخ اصلو ناس القانون ديل خترين جدا |
| الساعة الآن 08:53 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.