الحمير
 

نرجع للموضوع الأساسي:
ظلت الحمير وعبر آلاف السنين، صديقة وفيّة لنا بالسودان وساهمت مساهمة كبيرة، ليست في بناء حضارتنا، ولكن في المحافظة على الحياة في هذا الإقليم شبه الجاف المسمى بالسودان.
أتمنى انو يجي يوم تصبح فيه مساهمة الحمير مجرد تراث، في ذلك الزمان الآتي سوف أطلب من صديقي الشكيلي الفنان أحمد العربي بناء تمثال حماري كبير نضعه بصينية سان جيمس بالخرطوم.

إشتهرت شندي دون غيرها من قرى السودان بالحمير القوية الجميلة رشيقة القوام. أتذكر انو جدي شيخ أبقناية تلقى هدية في منتصف السبعينات من أحد وجهاء شندي، عبارة توب دمور وحمار شنداوي أبيض طويل قوي المنكبين. تحدث كل سوق مدني عن هذه الهدية لمدة إسبوعين بمن فيهم ناس سوق الدهب.

أدناه فيديو أرسله لي الأستاذ الكبير ياسر كبوش، وأنا بدوري أهديه للشفيف خالد الصائغ وأميرة سودانيات المتوجة، الأستاذة الكبيرة صاحبة الكي بورد الواضح بدون لولوة، الأستاذة سماح.

http://www.youtube.com/watch?v=DKtCSZZDfA0


http://www.youtube.com/watch?v=p84wv...eature=related

شكرا لعمان هذا الوفاء

هديّة قيّمة، لزولة ممتازة.

من واقعنا ما من أكثر يا تماضر.

كان شيخ أبقناية يقوم بالتدريس الديني ببيته بدباغة مدني، وكانت مهمتنا مع أولاد خالتنا ربط حمير الزوار بالبربنديات المثبتة بحائط الشارع وتعليفها بالقصب الجاف (أبو سبعين)، كنا سعيدين بهذه المهمة لسبب وهو: التفسح بهذه الحمير في المنطقة وفي حالة تم ظبطنا كنا ندعي انو الحمار إتفكّ من الباركين (البربندي) ونحن مرجعنو.

أخونا ياسر كبوش قال لي قصة عميقة المعنى مرتبطة بيوم مولده وقد وعد بسرد هذه القصة كاملة.

http://sudanyat.org/vb/uploaded/2259_1352461700.jpg

القصه إلفه قديمة

في الفيديو أعلاه قام بعض المتسابقين بركوب الحمار بالقلبة مقلدين بذلك أخوانا الحسانية قبا 150 عام. وكل الذي فعلناه توثيقا لذلك السباق البهلواني، مثل عنصري يقول: "الناس في شنو؟ والحسانية في شنو؟

الباركين هو المُراح وليس البربندي ،، ما تمرّر معلومات مبتورة لأم فلجة دي بالله ..:)

__

ياسر دا ماشّي كويس ،،شويّة بجيب صورتو في ميدان بلالة ..:)

الباركين هنا إنجليزية
parking

شكرا بكري وبارك الله في الحمير الجابتك لينا يا جافي

الباركنغ*
ما استبعد بابكر كتبها كدا عشان يختها شرك.
الحمدلله انو قبض:p

بكري، خازوق مش؟looool

الجي في تعريب المصطلح شبه سايلنت
مثل قولنا:
بفتش لي في باركين
ناس دبي بقوا يدفعوا على الباركين
ما بمشي سوق مرشد عشان ما بلقى باركين