قهوة النشاط !
إثراء لحركة المنتدي وتجاوب الرواد .. أقترح إنشاء هذا البوست ليكون واحة للحوار الضاحك على أن يساهم كل فرد فيه بأن يروي لنا مواقف.. طريفة.. بايخة.. مضحكة.. ومقالب وخلافه مرت به في واقع حياته .. منها ماحدث في ميعة الشباب والصبا وبعض مواقف الطفولة وحتي ونحن رجالا ملء السمع والبصر .. وثقوا سيكون واحة ونافذة رطبة للتسرية عن رواد المنتدى كنت أتمنى أن اقوم بضربة البداية لولا أن الإذن الذي حصلت عليه من المدام قد إنتهى .. مالكم تضحكوا يضحك السمك .. ما قلت ليكم أنا من جماعة .. WHO فيها حاجة دي ؟..
looool يلا يا شباب إبن حلال يفتح الباب ولحدي بكرة بعد أخلص من غسيل العدة وقش الحوش وغسيل هدوم المدام .. لو ما لقيت واحد بدأ .. ببدأ ليكم أنا .. سلام ... |
وكتين طنشتوا أبدأ ليكم برااااي ..!!
تتوالي المداعبات والطرف بين أفراد شلتنا من أصدقاء وزملاء وغيره .. وفي ذات مرة .. لنا صديق أسمه (الطيب الأمين) أطال الله عمره ..عند تقسيم الأعضاء على منظمتى هو (و) شو أصر هو على أساس انه ينتمي لمنظمة (شو) وهي تخص الرجال الذين يهرشون زوجاتهم .. وكان للشلة رأيا آخر .. فقررنا مفاجاءته بإقتراح من صديق لنا أسمه عثمان منصور .. وفعلا بدون سابق موعد هاجمناه في منزله بعد صلاة الجمعة وقلنا له عاوزين نقييل معاك الجمعة دي الراجل وافق على مضض مخفيا إستيائه خلف إبتسامة جاهد لكي لا تبدو صفراء كالحة اللون وعينك ما تشوف إلا النور .. فتح لنا صالونه العامر وبداءنا في ممارسة هوايتنا بلعب الورق ونحن نتابع الأحداث في الخفاء .. والراجل يا حبة عيني بقي زي كلب الحر يجر جاي وجاي لا خلى فرن لا خلى دكان وكل ما يجي يقعد معانا 5 دقائق ماتمر إلا ونسمع صوت المدام الذي يحرك عضلات قلوب معظمنا .. وهي تنادي عليه .. الطييييييب .. تعاااااال هني ...وزولك يقوم زي الملدوغ وجري عليها .. استمر الحال على هذه الوتيرة إلي أن نادت عليه بعد انقطاع طويل وبصوت تبدو فيه بوادر هجمة مرتدة .. فجري المسكين وخلف الستارة وبعد أقل من دقيقة سمع الحضور بالصالون صفعة مدوية مالبث أن أعقبها صوت كاسر لأخينا الطيب وهو يزأر .. أديك واحد تاني ؟؟! وجاء مسرعا وهو يسخط .. يا أخي النسوان ديل مرض بشكل .. قدر ما تصبر عليهم برضو يطلعوك من طورك .. وكدنا أن نرفعه على الأعناق رئيسا على منظمة (هو) وهي التي تخص الرجال الحمشين .. لولا لفت نظرنا الصديق عثمان منصور للخد الأيسر للطيب ويا لهول ما شاهدنا ..!! شاهدنا آثار الأصابع الأربعة ليد المدام على خد أخينا المسكين .. !!
لنا عودة .. و ... تشـــاوووووو! looool |
[rams]http://sudaniyat.net/up/uploading/Baba-baghasil-al-iddah.rm[/rams]
خت لينا الشريط دا في مسجل القهوة دي بالله ماشة وجاية :D:D |
[rams]http://sudaniyat.net/up/uploading/baba.rm[/rams]
ودا شريط تاني عشان الحلوين ناسWHO:D:D |
اقتباس:
واحدة لقت راجلهابقرأ في كتاب (الرجل سيد الموقف في البيت) قالت ليهو : شايفاك اليومين ديل بقيت تحب القصص الخيالية |
العزيزة أمال .. سلامات
اقتباس:
حاولت سماع اللينكين .. لكن يطرشني ما سمعت حاجة .. أرجو مراجعة الرابط ولكي الشكر طبعا شمتانة فيني عشان طلعت من جماعة .. Who مش كده ؟؟ بس أنا مبسوط كده !![/frame] looool |
شكرا على الهدية الظريفة ...
اقتباس:
شكرا عزيزتي بس ما تسوقي فيها (أوي كده) نحن بنهظر ساكت وبنحاول نلطف الجو لكين مافي راجل بشنبه بيخاف ليو من مرأة .. شكرا على المرور ولكي الود كله .. ونتمنى إثراء المقهي قهوة النشاط وتشاوووووو looool |
شكرا يا راقي ...
اقتباس:
|
شكرا يا راقي ...
اقتباس:
|
الاخ ابو اماني
تحياتي في سنة البرلم في ايامنا الاولي في الجامعة و اثناء سيرنا انا وصاحبتي بالقرب من الكافتيريا الرئيسية في الجامعة اقترب مننا شاب مادا لي كيس تمباك قائلا لي اتفضلي اتلفت شمال ويمين عسي ولعل يكون قاصد شخص اخر ولكنه قال لي مالك بتتلفتي اتفضلي يا برلومة والكافتيريا مليانة والجمهور يراغب في الموقف وبدا البعض يضحك واختك طبعا برلومة جديدة لنج ومن الاقاليم كمان طبعا في ذلك الزمن الموقف كان بالنسبة لي محرج شديد وتمنيت لو اتشقت الارض وبلعتني بعد داك عرفت انو هذا الشخص فاكة منوشوية نتيجة شاكوش كارب وكمان مرفود من الجامعة |
الهيلا هوب ...النسوان دقونا :mad:
:D [align=center][flash=http://www.youtube.com/v/wuP88w_pbwc&hl=en&fs=1" type]WIDTH=400 HEIGHT=350[/flash][/align] |
اقتباس:
تعرف يا أبو أماني زمان في سنة 1963 وأنا في الحجز التحفظي كان معانا راجل ظريف دائما في محاولات لاقامة حوارات مع المعتقلين السياسيين وفي يوم قال لينا ياخوانا تعالو كل واحد يحكي عن مغامراتو مع البوليس ومحاولات القبض عليهو النفد منها وأنا حأبدا. وفعلا حكي لينا قصة يبدو انها كانت تخص جيمس بوند وكيف كان في بيت فلان وهرب مشي لي بيت فلان والأسامي كانت كلها أسامي معروفة وأماكن سكنهم برضو معروفة.. طبعا احنا لاوزنا من الموضوع دا ومافي زول شارك في الحديث.. الشاهد بعدها بي سنة كانت ثورة اكتوبر المستور اتكشف وأخونا طلع من جماعة الأمن مزروع معانا عشان ينقل الأخبار... أها ياخوي انت شايت وينlooool:D |
الما بخاف من مرتو ما بخاف من الله
ثم ماذا بعد سلام جاكم ما دام ندى القلعة بقت تغني الحب بقى بالمسنجر ، قطع شك الانترنت دخل بلدنا " كريعات " و اهلنا ديل متشددين و بتبروا مني ، عشان كدا ح احكي ليكم قصة صاحبي سامر و مرتو بطة في مرة و الممرات كتيرة . . . بطة كان بتغسل و الغسالة مشترنها من سوق الاخوان في جدة " حراج الصواريخ " قامت ضربتا كهرباء . انتظرت بعلها المفدى و اول ما جا خاشي من الشغل " منهك " و كاره نفسو بس . . . هي وين تلاحظ دا كلو . قابلتو ليك بمظاهرة - وهي عارفة الشغلة عاضة و الحال حارن - : سامر لازم تشوف ليك خمسمية ريال تشتري بيها خروف . قل ليها : خير خروف لشنو ؟ قالت ليهو : كرامة . . . و باقي القصة الحزينة . . . الخ قال : طيب لو لقيت خمسمية ما اشتري بيها غسالة جديدة طيب ؟! استنجدت بي من مساختو قلت ليها : مش كويس ما قال ليك ( ما اعرس بيها مرا تانية ) ؟!!! |
شكرا سيلفر ... نطالب بالمزيد ..!
اقتباس:
شكرا على المرور والمساهمة الظريفة الرائعة والتي أضحكتني من القلب..لك الشكر..برضو مرت بي واقعة مشابهة لواقعتك دي بس ما كت برلوم .. في عام 85 /86 كت جاي في إجازة قصيرة من مهجري الخليجي .. وأخوي الله يسامحه حاول يساعدني في المشاوير أداني عربيته والتي ورتني النجوم عز الضهر .. اليوم داك العربية كل ما أمشي بيها حبة تحصل فيها حاجة .. والدنيا حر يفسخ النخرة .. وطبعا العربية ماركة داتسون موديل السبعينات وكان أخوي يعاين ليها زي فارس هلالا .. وكانت أزمة المرور والبنزين والعربية التقول عندها ظار ولا شنو ما عارف!.. يعني عمركم شفتوا ليكم عربية تكح وتعطس كمان..؟ بإختصار فضل لي مشوارين شفت خلال المشاوير القبلهم الويل .. وأنا في شارع الجمهورية قريب من تقاطع صيدلية كمبال حاليا .. ومقابل محل (ميرزا) أعتقد عزيزي الخال أو السفير أبو جمال يذكروه جيدا أما الأخ عادل عسوم فمؤكد يكون تعامل معاه .. العربية ياسيدي (الأمانتي عليك) وقفت (دوت) وحلفت ببساتمها الأربعة ما تتحرك من محلها شبر .. حتى الكحة والعطس وقفتوا .. المشوار كان قريب من محلات (جينبيرت) بتاع العدة (الراقية) زمان .. ومحلات (كابريس) البقت كايرو جلابية وقفلت العربية بعد قفلت قزاز الأبواب وأمنتها عقب ركنها على جمب .. وبكرعي شلت باقي أوراقي وواصلت .. أنقنق وأطنطن وأسب سنسفيل أبو الإجازة الطيرت البرج الفاضل من نافوخي .. وأنا في هذه الموجة من السباب بصوت مسموع .. كنت واثق أنو ما في زول يراقبني فاطلقت لنفسي العنان ..(هو كان ما ساكت أنا زول فارغ .. الموديني أقبل منو أسوق عربيتو شنو؟.. يا أخي والله بلاوي الواحد بيخت روحوا .. فيها ..!! وعند هذا الحد كنت وصلت لتقاطع شارع وكان في زاوية الشارع برميل كوشه .. إكس لارج .. وكان جمب الكوشة مجنون ..كان يرمقني وإبتسامة ساخرة مضيئة .. فأرتعدت..وبخطوات مضطربة واصلت مشيتي وبدأت أطلق صفارة من فمي كالمنسجم مع نفسه وماعنده أي قضية .. غير ان المجنون .. مشي نحوي بخطى ثابته وإصرار .. وإبتسامته الشامتة تلك لم تفارق فمه .. وقال لي بكل عقلانية ... ها .. ها .. ها.. تصفر؟؟ ..كلنا بديناها كده .. يا فردة .. وصار يقهقه .. ولم اتمالك نفسي من إطلاق ساقى للريح هاربا من وجهه .. والحقيقة خفت كلامو يكون جد .. جد .. looool |
وينك يا إبن أعز الأجيال ...!
اقتباس:
أهلا بأستاذنا العزيز فتحي .. وطبعا مش ممكن تفوت عليكم عوارة العسكر وإنتو صفوة المثقفين آنذاك في البلد .. والعاجبني في أسلوب دس (الأندر كفر أيجنت)..وسط المعتقلين السياسين في منتهى الغباء .. وتنطبق عليهم الآية الكريمة .. الذين سيماؤهم على وجوههم .. أما الأثر فلا تحاول التقصي عن كنهه .. وطبعا .. أكيد تكون قبل السؤال عارف أخوك شايت وين!! ولا كيفن يا .. أب زرد ؟؟ لك الود معطون بشوق للقاءك .. فالصورة مألوفة كما لو أعرفك .. looool |
يعني حسب كلامك ده .. الواحد يسلم الراية؟؟!
اقتباس:
أم أماني أطال الله عمرها كسائر بنات جنسها ورغم شهادتها الجامعية وخبرتها العملية المهولة عندها أسئلة تفقه المرارة وهي أسئلة خاصة ببنات حواء مثلا زي ... *مرة من ذات المرارير كان في مناسبة عائلية تتعلق بختان حفيد أختها الكبيرة وهي متزوجة من إبن عمها وأسمه (على) الحفيد تمت تسميته على الجد فصار أسمه علي .. يعني في البيت حق أختها في إثنين على !.. فهل يكون لها الحق في السؤال: علي ياتو لما أقول بجيكم بعد الشغل لطهور على..؟؟؟! *ولا تكون عارفه إنك ماشي لصاحبك فلان تجيب منو قروش مثلا .. وتجي متأخر وتديها القروش تختهم تحت المخدة بلا مبالاة .. وتقول ليك السؤال الخالد إتاخرت مالك ؟ تقول ليها ما مشيت (لفلان!) تقول ليك وبكل عدم إكتراث .. وليقيتو في؟؟.. هذا غيض من فيض نساء خلقن لنا .. روحا ورياحين ..لا بندورهن ..ولا بنحمل براهن .. وتشاووو إلى لقاء قريب مع الناس الحلوين .. رفاق سودانيات.. |
http://sudaniyat.net/up/uploading/693715374.jpg
ماعجبني ليكم ياشباب :o بقو يبيعوا ويشترو فيكم كمان:p:D |
اقتباس:
|
اقتباس:
ياخ والله محن عجيبة .. !! بيع ورهن راسو عدييييل ... !! |
اقتباس:
شبارقة ماتستاهلو لكن:p ابواماني غلبو يعلق غايتو انا عجبتني حكاية الرهن ديlooool بيع مابنبيع لكن امكن نرهن وينك ياكيشو ما افتيت لينا في الحكاية دي ياطارق ماهو التكييف القانوني لبيع الازواج:p goood |
اقتباس:
فعلا ً محتاجين لناس كيشو وكل القانونيين لأنو قانون الأحوال الشخصية المصري ده قالوا مستمد من الشريعة الإسلامية والغريبة من أوائل المستفيدين منه كانت هالة صدقي (خلعت زوجها لامن نطـّا :D) وهي مسيحية .[/align] |
تحياتي ابو أماني والمتداخلين الأعزاء
غايتو بي قدرة قادر البوست ده اتحول من ( مقهى النشاط ) للصراع الأبدي بين الزوج والزوجة ومايدور في كواليسهما .. !! قال ليك يا حبيب .. صديقي ( س ) محب جداً لعصير التمر وربما الذرة في السودان لا سيما اذا كان معتق وأبوهو راجل مولانا زهجان منو شديد المهم .. يوم صاحبنا عبأ من عصيره ما يكفي لِ (تيك أوف طيارة عدييل ) .. وفي رحلة بحثه عن البيت ضاعت لديه المعالم وبقى يجي ليك قررييييب بوابة ناس فلان ويقول ... الللللللللله أخوك اتمقلب ده مااا بيتنا ... !! ثم مكرراً ذات الجملة في بيوت الحي كللللها ( في مدني طبعا ) .. !! أخيراً جلس في زاوية مجبراً في الظلام وجاء أبوه بالصدفة فقط فوقف على راسه .. !! زولك عاين شديييد كده لي أبوهو وقال ... !! ده انت ياااا جان ... مااا خلاص وصلنا ... !!! |
اقتباس:
تعرفي والله محتاجين جدا اليومين دي للإبتسام .. الضغوط كتيرة ياخ .. !! حول السؤال .. يذهب الراسخون في الجرسة الى الموافقة سراً .. وادعاء ( المسكنة ) .. غير أن هناك سؤال جوهري لتتضح الصورة .. هل الزوجة البائعة لزوجها أو الراهنة له .. ستشتري بثمنه أو ريعه زوجاً آخر أم أن الأمر فقط لتأخذ هدنة من الفكرة كللللها .... ؟ |
طارق نطا :eek:برضو من الموضوع ياشبارقة
بيع قال ليك بيع وتداول وقانون عرض وطلب والعجب اكان بقي فيها كسِر ما اتمقلبتو عديل ياشباب الهم لا شماتة:D |
اقتباس:
بس بيني وبينك ( فرصة ياااا بلالة ) ... !!! خليهن يبعوعنا يمكن تشترينا هيفاء وهبي ولا حاجة .... :p |
اقتباس:
|
أصبري يا أمال .. وأرجي الراجيك ..!
اقتباس:
أأأأي .. غلبني أعلق .. يعني أقول شنو؟ .. كان جبتي لينا واقعة بيع موثقة كمان .. غايتو كان ما حلانا منها طارق ولا كيشو..يا نا البقينا في سوق ليبيا.. غايتو أنا كان بقيت بي هناك ولقيت ليك الفرد بتاعيني ناس .. الخال والباشا وعادل عسوم وعرابي العزيز رأفت .. كان باعوني بمقايطة ودفعت أم أماني الفرق ما بهمني .. واقول ليها .. ينصر دينك .. يا .... تفيدة !!! غايتو يا أمال والله ما أفوتها ليك .. وكان بقيتي مرأة صحي صحي .. أرجيني ... تشاوووووو looool |
اقتباس:
حبيبنا أبو أماني معانا واحد بي جاي (متابع) للمنتدى وعاجبو البوست بتاعك دة عجب شديد :p الراجل قال لي كلم أبوأماني قول ليهو المرحلة البتبيع فيها الزوجة زوجها هي مرحلة بلوغ الزوج للمرحلة التي تحكيها النكتة دي: يجي الراجل داخل البيت حالتو بالبلا وداير ليهو نومة من العليهو :mad: يقوم يتلفت يلقا ليك المرا واقفة جمب الكومودينو :confused: قال ...وكيلك الله مدة يدها لي فتيل الصندلية هو بي جاي يصرخ جاااااااك زي الشافع الشايلين عليهو حقنة البنسلين :D:D أها قال من دي والبيع بيحصل |
اقتباس:
|
معقولة يا عدولة تفك آخرنا بالبساطة دي؟؟
اقتباس:
قال ليك واحد من (الجماعة ديل) يعني مش نحن! .. بتونس مع صاحبه ويتشهق كل مرة .. قام صاحبه قال ليو .. مالك أمبارح مانمت كووييس ؟ فرد عليه .. هو أنا أمبارح الباعوضة خلتني أنوم..راقد في الحوش الليل كلو أنكرش.. فقال له صاحبه مندهشا ونائم في الحوش مع البعوضة ليه.. ما تنوم جوه ..! فكان الرد .. جوه ما راقدة المرأة يا بني آدم !!! looool |
طارق قال اقتباس:
ابوماني قال اقتباس:
الاسواق زاتا مستويات:D وخشوم بيوت يعني ناس سوق ليبيا ديل ناس جملة ساي وامكن فيها هوادة كمانgoood |
اقتباس:
|
الله لا مسكن زمامنا يا بنات حواء..
اقتباس:
ما يلا .. خلصنا .. بيع بأي تمن يا خي وفكنا منو .. الله يجازي محنك يا أمال .. وأشوف فيك يوم إتي وبنات جنسك ..يا الماغايظك شي في الدنيا دي غير تفوقنا عليكن بالآية الكريمة ديك! ياتا ؟؟ أحييييي أنا خلااااااس نسيتيها .. حقة .. مثني وثلاث ورباع .. وأجمل حاجة الأخيرة دي لانها بتنتهي ب .. بااااااع .. حد قال باعت ؟؟ البعاتي يا يمة اليطلع ليك في شوارع لندن! وتشاوووووووlooool |
اقتباس:
باب شريف دا سودانيات ساي . . . و اغلبن بتفرجن ساي و دايرين الرخسة . . . الواحدة مستعدة تقيل عشان تشتري بناقص عشرة ريال وكت جابت ليها بيع خلي يسومونا في شمال جدة دي . . . امكن نصادف لبنانية و بالعدم هندية ساي تشتري يا زول فكرة البيع دي ما كعبة امكن تفك عقدة ضكور الجديان مع اللحم الابيض المتوسط دي بس هن اليركزن |
اقتباس:
باقي نحنا بنكتب من منازلهم و النشر عندنا خاضع للرقابة الزوجية ( من الزوجة ) زي ما النشر في الصحف خاضع للرقابة القبلية . . . في موضوع الفحص من الخشم دا و بمناسبة اخونا شبارقة و تعليقوا دا : اقتباس:
اها متلتلا من سوق احد لي سوق اتنين لسوق جمعة و وكيلك الله المشتري من يفتح الخشم يتخارج لغيرها من حسان الماعز الطقمهن كامل . . . بكترة الشغلة دي الغنماية ذاتا فترت من جنس المس كولات البلا شراء دي . . . بقت من تشوف زول جايي عليها تبتسم و تتكشم ليهو في الحقيقة هي بي كدا بتكشر عن اللاشئ . . . و توفر عليهو الكم متر القدامو اها اكان النسوان ديل بايعات بايعات . . . اليستعجلن علينا من اسي بباقي سنيناتنا ديل امكن نلفى لينا بيعة كويسة . . . كمان نلحق عز الشبارقة تبقى علينا خفة و تكشم لاي مراة جايا علينا و سوق كعب كمان ؟ |
الله يريح بالك يا قيقراوي ...
اقتباس:
والله إنت الأول يا أبو القيق .. يا أخي بالله دي فاتت على كيف؟ وأنا الفاكيها في روحي وقائل بفهمها طائرة !!.. وكمان ختامها مسك .. حكاية نفك عقدة ضكور الجديان دي.. أقول ليك قولة الغي إتفاقي مع الأفوكاتو مولانا أزهري الطريفي .. الراجل داخل علينا جديد بدل أرحب بيو من مغستي علي أمال قمت وكلته يرفع عليها قضية..مولانا..مولانا..سكر على الموضوع خلاس .. والله ريحتني يا .. أبو القيق .. يعني أتوقع أم أماني تقيف قدام آمال غازه كوعها وتقول ليها .. بري يا بت أمي أنا أبو أماني ده ما ببدلوا ولو بمية راجل .. وأخوك يثبت الطقم باليد اليمين وبالشمال يثبت النضارة..ويقول ليها.. أيوه..أديها .. دي فاقعة مرارتي..موقفك مشرف لاكين ناس شبارقة وعادل عسوم وخالد..أصبر لي عليهم..كان ما وريتهم المكشن بلا بصل!.. تصور الجماعة ديل يا فردة ..من قولت تيت قعدوا يقسموا في الأسواق مع آمال ويصنفوا في البضاعة كمان!!! looool |
غايتو يابواماني بضحك لي ساعة زي المجنونة بعدين انت ال ١١٤ سورة ديل ماحافظين غير دي:mad: وحتي دي تموها بالله واذكرو شرط العدل الختا ليكم ربنا سبحانه وتعالي عارفكم مابتقدروا عليه اهو بعت ليكم الببيعوا ويشتروا فيكم شفتو العدل الرباني goood اقتباس:
وخلونا نحنا مع راغب علامة:p ان شاء الله يقول علينا شينات:o مالكم ومالنا وراكزين ياخوي طهرنا البيت وبنينا الاولاد:D |
اقتباس:
ماتتكل علي قيقا دا العب لصالح ورقك من هسي شوف ليك سوق حااااار احجز ياعمك قبال الوضئ دا يخرب عليك السوقlooool وماتلم في قدر ظروفك:p اقول ليك قولة البيع هين خوفي من بديل العدةgoood |
هوي يا قيقا الكلام دخل الحوش!
اقتباس:
والله يا أمال يا أختي قيقا ده ريحني جنس راحة .. أنا واثق كلامه غاظك بلحيل لاكين كاطعاهو في حشاك يا بت أمي .. تصوري ده ذكرني واقعة حصلت لي في الخليج .. لما كت سمبتيك ومسمسم كده وأم أماني كانت في سنتها الثالثة معاي وعندنا أول مولود .. أخوك كان تصدقي ولا ما تصدقي .. مخييييييرة! على كيفك.. كان يقول لجون ترافولتا إت بتعرف للسماحة شنو؟ وكان عندي زميلة خليجية سميحة .. ونافوخها طاسي .. لانها معجبة بالسودانيين عموما .. وكت أنا أقرب زول ليها منهم .. وبقت لازقة ليك فيني .. الزولة دي صارحتني عدييييل كده وقالت لي أنا بقبلك زوج على سنة الله ورسوله والشريعة وحاجات تانية حامياني .. وقالت مستعدة تقبل تكون الزوجة الثانية وتخنتها حبتين وقالت لي عرفني بزوجتك وأنا بقنعها .. وأضمن ليك إنها حتوافق البنية حليوة ومن عائلة فوق الوسط بكتير .. ودمها خفيف وما يعيبها وإبليس قعد يشتغل .. قمت قلت أعمل جس نبض .. وكانت المحاولة الأولي والأخيرة لجس النبض .. مصيبتكن يا أمال يابت أمي أتو ما بتعرفوا قيمتنا إلا بعد الزواج .. وإلي اللقاء في سوق الحراج البشري .. أنا جاي متفرد لانو أم أماني ما بتفرط فيني .. حتى لو فكرت في الآيات الوحيدة الحافظنها .. قال بيع قال.. كدي جربوا كان ما كلام أبو القيق يطلع صح .. **** ولعزيزنا أبو القيق ... يا ابو اماني قبيل كتبت رد باصرتو من الشغل و ما ظبت . . . انت ما اظنك بتكتب من منازلهم مش ؟ باقي نحنا بنكتب من منازلهم و النشر عندنا خاضع للرقابة الزوجية ( من الزوجة ) زي ما النشر في الصحف خاضع للرقابة القبلية . . . **** والله مرات كتيرة من منازلهم ومرات من المكتب ومرات من مكتب صديق وما فضل لي غير خيار الجمهور .. لكين صدقني أي زول يعمل ليكم فيها من منظمة who هو في الواقع من ناس sho والكلام ده بينطبق على أخوك ولا فخر .. مرة شنو البتهرش الراجل يا أبوها .. ده كلام ونسة ساااااكت .. الله .. الله .. أم أماني دي ماشة على وشايلة مفراكة ..أحسن أتخارج .. أمك قاصدة الباب عديل .. مشيت على الشباك ولما عاوز أنط .. سمعتها ليك بتقول لي بصوت كله رقة .. بتسوي شنو في الشباك .. تعال عليك الله افرك لي الخدرة دي .. فتنفست الصعداء وأنا أقول في سري مادام الحكاية جابت ليها بيع .. أخير نفرك خدرتنا ونرجى الله في الكريبة! looool |
اقتباس:
شنو ليكن ؟ كان ختيتن الكورة واطة بنرد ليكن على راغب علامة و يانا رجعنا نغني ليكن : الجمال موجود في كل مكان الا الجمال الاصلي في السودان |
| الساعة الآن 03:03 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.