بشكي ليك
 

اها يايما لو تدري
البي يصعب تراجمو بالكلمات
ممكون والعلي ذي مس
وما تنفع الايات
فاتني العمر خلسة
وما بنقرعن الواقفات
والكان زمان السند والحيل
اصبح من جملة الطعنات
والبي صعيب بالحيل
وخايف ليكي بيهو ابوح
جواي نزيف واهات
ونوسرت في حشايا جروح
االدمع بقيت ضله
والغصة مالكه الروح
والليل الباقي ليا سمير
شن الصحبة ؟
مابي يروح
وانا ذاتي خايف يوصلك
انين اعضاي
في ورق الجواب
ويتلبسك مني القليل
والقى في شكواي عتاب
وانا ليا ايه غير اندهك
مادام عداك جملة سراب
ومن يوم فارقت حضنك ما سلمت
ولا ضقت للايام حلو
والايام لعبت بي كتير
قصدت عميري تبهدلو
مرات اقول افرد جناح الرجعه ليك
وباقي ذاتي احصلو
تلقاني مستغرب فيني
من ذاتي
ومن طباع اتبدلو
البي كتير ما اظن حروفي
توصلو
الا بس احسن ابوح
يمكن عذابي اقللو
ويسلم ليا خاطرك ياملاك
وخاطري مع حروفي مرسلو