الشخصية السودانية في كلمة
لو كانت هنالك كلمة تلخص الجوانب الايجابية في الشخصية السودانية فهي كلمة " زول " !
ولعله من عجائب وغرائب الصدف ان هذه الكلمة لا وجود لها في لغة الكلام الا في اللهجة السودانية !!! ولو علم الذين يتندرون بها علي السودانيين - بمعانيها - ظنا منهم انها لا اصل لها ، ولا صلة لها بالعربية لحسدوهم عليها ولما نادوا بها عليهم . جاء في معجم لسان العرب لابن منظور: " الزول : (الشخص ) الظريف يعجب من ظرفه ، والجمع أزوال . والأنثي زولة . وهي المراة الفطنة ، الداهية ، وقيل : الظريفة . والزول : الشجاع الذي يتزايل الناس من شجاعته . والزول : الجواد (الكريم ) .. " . يقول الطيب صالح في سياق حديثه عن انفراد اللهجة السودانية بكلمة " زول " : (( زول ، في المعجم ، من معانيها الشخص اللطيف المهذب . وقد وجدتها بهذا المعنى عند أبى العلا . وذكر لي الدكتور عبد الله عبد الدايم ، وهو عالم ثبـت ، أن " زول " هي أحسن مرادف للكلمة الإنجليزية Gentleman فهل كل أهل السودان " أزوال " ؟ )) ومن الطريف ان زول ايضا ، كما جاء في لسان العرب ، تعني : " فرج الرجل "! وهي تقابل في كلام أهل السودان : " ضكر " ومن معاني ضكر : شجاع او جدع بالمصرية . نقول فلان راجل ضكران او فلان ضكر ضكارة شديدة : شجاع ، شهم ، كريم الخ.. يعني Gentleman ! ------------ * هذا لا يعني غض الطرف عن الجوانب السلبية في الشخصية السودانية ولكن لكل مقام مقال . |
أنه تسسلل الرغبة من الثقب الذى تحدثة هذه الكتابات فينا؛ فثمة موقف للتمكن وثمة خطة للازدهار مثلما هنالك فكرة للاستعراض ويكون بعدها التواتر او الانزلاق عندما يتعلق الامر بنُطفة..او
[/font][/size][/B] |
عزيزي معتز سعيد جدا ان تجد محاولتي صدى جميلا عندك
هذه محاولة للفت الانتباه الى خصوصيتنا التي تميزنا عن غيرنا البعض يظن خطا ان احترام الاخرين لنا ياتي من تقليدنا لهم واثبات اننا مثلهم تماما وهذا تقدير خاطيء الاخرون لايريدوننا نسخة منهم وانما يريدون ان ينظروا الينا كآخر مختلف ولا ياتي الاختلاف الا بالتمييز ولا ياتي التمييز الا بادراكه والوعي به . |
شكرا يا زول "(
|
بسملة شكرا يا زولة يا ظريفة ،
شفت كيف لما نريد ان نصف شخص بانه ظريف نقول : زولة ظريفة ،زول ظريف وهذا هو المعنى القاموسي طبعا معني زول صار يعني في اللهجة السودانية شخص اي شخص وبالنسبة للعرب زول تعني شخص سوداني دا زول : اي داك شخص سوداني |
وكلمةزول تتيح للسوداني الرد السريع حينما يأتيه نداء من شخص لا يرتاح له او ضايقه بكثرة النداء فيجيبه قائلا
( تزاول من ضلك .. مالك في شنو) مودتي |
صحيح يا محمد حسن
وان شاء الله ما في زول يضايقك مودتي |
اقتباس:
وكل عام وانت بخير انا المضايقاني الحكومة اعمل شنو |
تشيل الصبر بس يا محمد حسن
دي بقت كن شالوها ما بتنشال وكن خلوها سكنت الدار نسال الله مع حلول العام الجديد ان يبدل الحال باحسن حال ويحقق اماني الجميع الوطنية والفردية وكل سنة وانت طيب |
اقتباس:
وليتهم يعون ويدركون .... لقد أسمعت لو ناديت حياً ........ ولكن ................... |
استاذنا/ عجب الفيا
كل سنه وانت طيب وربنا يحقق الاماني والمقاصد يا سيدي حتي العرب والخليجيين حبوها كلمه يا زول حتي مرات ونحنا قاعدين ويكون مجموعة قطريين وبعض السودانيين يتكلموا مع بعض يا زول صب شاي يا زول اقعد يعني ده انا بفتكر من خصال السودانييين وطيبتهم واخلاقن العالية والموده والرحمه والصدق المشهورين بيهو مع مودتي |
اقتباس:
بالمناسبة النضم هو النظم قلبت الظاء ضادا وهو كثير في لسان اهل السودان وله اصل في العربية . ونظم الكلام : اختياره بعناية وترتيب مثل نظم الدر في السلك لذلك سمي الشعر نظما . وجعل اهل السودان صفة النظم على الكلام مطلقا هو من الخصوصية اللغوية لاهل هذا البلد المتفرد . الحقيقة الاحساس بقيمة ما عندنا الذي يميزنا عن غيرنا ويجعلنا نتعامل كند لا كتابع حتى نحظى باحترام الاخرين ، محتاج لجهودنا كلنا كل في مجاله على المستوى الفردي والجماعي . لو اخذنا مثلا المغتربين كمثال يمكن المسالة تبدا بتمسك الزول السوداني ما امكن باللهجة القومية دون الاحساس بالحرج ودون شعور بالاضطرار لتقليد اللهجات العربية الاخري . طبعا لا مفر من التاثير والتاثر بالاخريين على ان يتم ذلك في حدود احترام الخصوصية والندية اللغوية . . |
اقتباس:
ويحقق اماني الجميع ويبدل حال بلدنا باحسن حال ،امين الحقيقة كلمة زول ارتبطت بالسودانيين حصريا بل صارت تعني الزول السوداني حصريا ولكني لاحظت ملاحظة غريبة وهي رغم شيوع كلمة زول الا ان السودانيين المغتربيين لا يستخدمون هذه الكلمة فيما بينهم وفي مخاطبتهم لغيرهم من العرب . مثلا تجد الشوام يستعملون كلمة " زلمي " فيما بينهم ومع غيرهم . ولكنا لا نستعمل كلمة زول في حديثنا مع غيرنا من العرب . ونستخدم بدلا عنها كلمة "حد" اي أحد وهي مصرية . مثلا تجد البعض يقول : " في حد " وهو يريد ان يقول : "في زول "؟؟ مودتي |
الأخ العزيز عجب الفيا
كل سنة وإنت طيب كلام جميل ويسـر البال . أول مره أسـمعه . ما عارف سـمعتها وين تفسـير لى كلمة زول . قالوا العرب بقولوا وكل إبن آدم ( زِول) بكسر ال (ز) بمغنى زائل . وتحرفت للعامية للنطق الحالى . لكن تفسـيرك يسـر البال ونمسـك فية قوى . تحياتى يازول يا جميل وأجمل التهانى بيعيد الأضحى المبارك وأطيب المنيات للعام الجديد |
اقتباس:
شرفت والله وآنست وشكر على هذه المساهمة القيمة طبعا رديت عليك متاخر قلت عشان اسمك يزين البوست شوية ، اهنيك بمناسبة اعياد الميلاد والسنة الجديدة وكل سنة وانت طيب ونسال الله ان يعم السلام الارض ويحل الاستقرار ويبدل حال البلد باحسن حال امين |
الساعة الآن 03:19 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.